Мусобиқаҳои ҳарбӣ-варзишӣ барои дарёфти “Ҷом”-и фармондеҳи Гвардияи миллӣ

Дар асоси нақша - чорабиниҳои Гвардияи миллӣ ба муносибати 34-солагии Истиқлоли давлатии Ҷумҳурии Тоҷикистон ва 30-солагии таъсисёбии Гвардияи миллии Ҷумҳурии Тоҷикистон дар Маркази миллии таълимӣ оид ба мубориза бо терроризм ва маводи мухаддир мусобиқаи тирпарронӣ барои дарёфти “Ҷом”-и фармондеҳи Гвардияи миллии Ҷумҳурии Тоҷикистон баргузор гардид. Дар мусобиқаи мазкур афсарони ҷузъу томҳои Гвардияи миллӣ аз тапончаи макаров, автомати калашников (АКМС), пулемёти калашников ва милтиқҳои мерганӣ қувваозмоӣ намуда, маҳорати нишонгирии худро ба ҳакамон нишон доданд. Рақобати солим, саъю кӯшиш ва иштироки фаъолонаи афсарон гувоҳи он буд, ки аз силоҳу воситаҳои ҷангии замонавӣ моҳирона истифода бурда, дар ҳама ҳолат аз иҷрои вазифа баромада метавонанд. Ҳамин тавр, ғолиби тирпаронӣ аз тапончаи макаров капитани гвардия Мамаддодзода Имомзоҳир аз қисми ҳарбии 051062, аз автомати калашников (АКМС) майори гвардия Мусофирзод Маҳмадалӣ аз қисми ҳарбии 051063, аз пулемёти калашников лейтенанти калони гвардия Одиназода Хаёмиддин аз қисми ҳарбии 051056, аз милтиқи мергании драгунов ва милтиқи мергании калонқутр афсарони қисмҳои ҳарбии 051054 ва 051063 муайян карда шуданд.
Аз рӯи натиҷаҳои ҷамъбасти мусобиқаи тирпарронӣ дар ҳайати дастаҳо маълум шуд, ки қисми ҳарбии 051054 бо 170 хол сазовори ҷойи якум гардид. Қисмҳои ҳарбии 051063 ва 051059 бо 129 ва 120 хол сазовори ҷойҳои дуюм ва сеюм гардиданд.
Ҳамчунин, бо фармони фармондеҳи Гвардияи миллӣ, таҳти №106 аз 22 июли соли 2025 байни қисмҳои ҳарбӣ бо иштироки афсарону сарбозон мусобиқаҳои варзишӣ дар заминаи қисмҳои ҳарбии 051052 ва 051055 баргузор гардид. Дар ин мусобиқа низ ғолибонро “Ҷом”- и фармондеҳи Гвардияи миллӣ ва тӯҳфаҳои қимматнок интизор буд. Дӯстдорони варзиш аз ҳама қисмҳои ҳарбӣ ҷамъ омада, дастаҳои далеру боғайратро барои қувваозмоӣ ташкил намуданд. Яке аз талабгорони музаффарият дар варзиш қисми ҳарбии 051062 буд ва дар гурӯҳи аввалинҳо ба мусобиқа пайваст. Афсарону сарбозони қисми ҳарбии мазкур таҳти роҳбарии лейтенанти калони гвардия Загуров Исфандиёр пайи ҳам дар намудҳои сабқат ғолиб омаданд. Дастаи варзишии қисми ҳарбии 051052 ва 051059 ҳам аз сафи фаъолону паҳлавонон қафо намонд. Дар ин миён варзишгарон аз қисмҳои ҳарбии 051054, 051056 ва дигар қисмҳои ҳарбӣ ҳам хеле кӯшиш карданд. Ҳар як иштирокчии сабқат кӯшиш дошт, ки бо маҳорату қобилият бартарӣ нишон дода, сазовори ҷойи арзанда гардад.
Давидан ба масофаи 100м, турниккашӣ, футбол, волейбол, ба қисмҳои нопура ҷудо ва ҷамъ намудани силоҳи АК-74, гулӯлабардорӣ, такя бо дастон (отжимание), дастхобонӣ ва шоҳмот намудҳои варзиш ва шартҳои асосии мусобиқа буданд. Ҳамин тавр, рӯзи дуюми мусобиқа маълум шуд, ки дар намуди давидан ба масофаи 100м- прапоршики гвардия Алиҷонзода Муслиҳиддин аз қисми ҳарбии 051062, дар турниккашӣ сержанти хурди гвардия Резвонзода Фирӯз аз қисми ҳарбии 051055, ба қисмҳои нопура ҷудо ва ҷамъ намудани силоҳи АК-74-лейтенанти гвардия Асозода Ҳасан аз қисми ҳарбии 051062, дар намуди гулӯлабардорӣ майори гвардия Давлатзода Суҳроб аз қисми ҳарбии 051056, такя бо дастон (отжимание)-майори гвардия Ахмедзода Фаридун аз қисми ҳарбии 051063, дастхобонӣ-сержанти хурди гвардия Салимов Парвиз аз қисми ҳарбии 051052, дар бозии шоҳмот-подполковники гвардия Абдулакимзода Ҷовидон аз қисми ҳарбии 051052 ва дар намудҳои волейбол ва футбол дастаи варзишгарон аз қисми ҳарбии 051062 ғолиб омаданд.
Қобили зикр аст, ки дастаи футболи қисми ҳарбии 051062 бори сеюм аст, ки дар мусобиқаи футбол байни дастаҳои варзишии қисмҳои ҳарбӣ сазовори ҷойи якум ва дастаи волейболи қисми ҳарбӣ бошад, сазовори ҷойи якум мегарданд.
Аз рӯи натиҷаҳои ҷамъбасти мусобиқаҳои варзишӣ маълум гардид, ки ҷои якумро дастаи варзишгарони қисми ҳарбии 051062, ҷои дуюмро дастаи варзишии қисми ҳарбии 051052 ва ҷои сеюмро дастаи варзишгарони қисми ҳарбии 051059 сазовор гардиданд.