Тоҷикӣ   |   Русский    |   English      

    БА ПРЕЗИДЕНТ, БА ВАТАН СОДИҚОНА ХИЗМАТ МЕКУНЕМ! БАРОИ ҲИФЗИ ВАТАН, ТАҲКИМИ ИСТИҚЛОЛИЯТ ВА АМНИЯТИ МИЛЛӢ ТАЙЁРЕМ!

«ЗИРАКИИ СИЁСӢ» РОҲИ АСОСИИ ПЕШГИРӢ АЗ ХАТАРҲОИ ЭКСТРЕМИЗМ ВА ТЕРРОРИЗМИ МУОСИР


130 Имрӯзҳо тақозои замон аст, ки моро водор месозад, то аз тамоми навгониҳои ҷаҳон бохабар бошему барои пешрафти кори худ ва рушди бемайлони тамоми соҳаҳои ҷамъиятӣ аз технологияи замони муосир истифода намоем.
Кашф гардидани компютер, ихтироъ ва роҳандозии шабакаи глобалии интернет аз нодиртарин кашфиёти асри ХХ ба шумор меравад. Аммо дар асри ХХI ин раванд, яъне электронигардонӣ якбора суръати баланд гирифта, кору зиндагии мардумро аз як ҷониб ба маротиб осон намуда, аз ҷониби дигар таъсирҳои манфиеро ба мардум расонид.
Ба шакли мисол, аз як ҷониб рушди технологияҳои иттилоотию коммуникатсионӣ ба пешрафти фаъолияти инсонӣ таъсири мусбат расонида, тараққии он муаррифии тамоми соҳаҳоро дар ҷаҳон хеле боло бурд ва аз ҷониби дигар гаравиши аҳолиро, алалхусус ҷавононро, ба ҳар гуна ҳизбу ҳаракатҳои иртиҷоӣ зиёд намуд.
Ҷумҳурии Тоҷикистон низ ҳамқадам бо давлатҳои дигари ҷаҳонӣ, пайи тараққӣ ва рушдёбии тамоми соҳаҳои басоҳам муҳим тадбирандешӣ намуда истодааст.
Асосгузори сулҳу ваҳдати миллӣ, Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон дар яке аз суханрониҳои худ оид ба вазъи имрӯзаи бархе аз мамлакатҳо, ки дар онҷо терроризму экстремизм реша давондааст, бо изҳори нигаронӣ чунин қайд намудаанд: «Бо дар назардошти воқеияти мавҷуда, мо дар сатҳи минтақа ва ҷаҳон пурзӯр кардани ҳамкориву шарикиро барои таъмини суботу амнияти фарогир тавассути андешидани иқдомҳои муштарак дар ҷодаи мубориза бо терроризму ифротгароӣ ва аз байн бурдани омилҳои дастгирии сиёсӣ, низомӣ ва молиявии онҳо ҳамчун самти амалии раҳоӣ аз ин вартаи хатарнок муҳим арзёбӣ мекунем».
Лозим ба ёдоварист, ки тули солҳои охир тамоми гурӯҳҳои мақсадҳояшон гуногун барои паҳн ва расонидани хабарҳои дуруғин, инчунин таблиғ ва ҷой намудани мақсадҳои нопоки худ дар шуури омма, ҷиҳати ҷалбӣ ҷавонон ба ҳар гуна ҳизбу ҳаракатҳои иртиҷоӣ технологияҳои иттилоотию коммуникатсионӣ, алалхусус воситаҳои интернетиро фишанги асосии худ қарор додаанд.
Ҳамин аст, ки пайваста дар ҳар як гушаи олам ҳар гуна семинарҳо, конференсияҳо, мизҳои мудаввар ва суҳбатҳою вохӯриҳо дар мавзӯҳои мухталиф, ба монанди «Ҳамкории байналмиллалӣ ва минтақавӣ дар соҳаи мубориза бар зидди тундгароӣ ва ифротгароии хушунатомез: таҳдидҳо, чолишҳо ва имкониятҳои ҳамкорӣ», «Хусусиятҳои истифодаи забони душманӣ дар кори тарғибот ва зидди тарғиботи тундгароӣ», «Нақши воситаҳои ахбори омма дар мубориза бар зидди идеологияи тундгароӣ» ва ғайра маърӯза ва оид ба паҳлӯҳо ва самтҳои муҳими ҳамкории муштарак дар ин самт доир гардида истодааст.
Ҷумҳурии Тоҷикистон низ яке аз мамлакатҳое мебошад, ки дар ин самт тадбирҳои мушаххас андешида, онҳоро амалӣ намуда истодааст. Соли 2021 бо Фармони Президенти мамлакат муҳтарам Эмомалӣ Раҳмон “Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021 - 2025” тасдиқ гардид.
Лозим ба ёдоварист, ки Стратегияи мазкур самтҳои асосии сиёсати давлатии Ҷумҳурии Тоҷикистонро дар самти муқовимат ба экстремизм ва терроризм муайян намуда, вазифаҳои мақомоти давлатиро ҷиҳати аз байн бурдани омилҳои ба экстремизм ва терроризм мусоидаткунанда мушаххас намуда, яке аз қадамҳои устувори мамлакати мо дар самти пешгирии ин зуҳурот мебошад.
Аз ҳама силоҳи пуриқтидортарин зидди экстремизм ва терроризм ин зиракии сиёсӣ мебошад, ки онро ҷавҳари асосии нерӯи давлатдорию давлатсозӣ ва ҳифзи манфиатҳои миллӣ медонанд.
Дар воқеъ ба мо маълум аст, ки роҳи давлатдорию давлатсозӣ пур аз монеаҳои сарпечида, хатарҳои сиёсӣ, бозиҳои сиёсӣ, мухолифатҳои сиёсии пушида, таҳаввулотҳои ногаҳонӣ, сӯиқасдҳо ва мушкилотҳои дигар аст. Ҳамаи ин монеаҳоро мо танҳо бо доштани ҳамон силоҳи пуриқтидор “Зиракии сиёсӣ” гузашта метавонем. Имрӯз яке аз шартҳои асосии пойдории давлат, таҳкими истиқлоият, сулҳу ваҳдат ва ягонагӣ дар кишвар ин сатҳи баланди зиракии сиёсии ҳар як сокини мамлакат, махсусан мо хизматчиёни ҳарбии Гвардияи миллӣ мебошад.

Майори гвардия Саидзода Фирӯз

 Payom

Муҳтарам аъзои Маҷлиси миллӣ ва вакилони Маҷлиси намояндагон!
Ҳамватанони азиз!
Паёми имсолаи Роҳбари давлат дар бораи самтҳои асосии сиёсати дохилӣ ва хориҷии кишвар дар бинои нави мақоми олии қонунгузори мамлакат – Маҷлиси Олӣ баргузор мегардад.
Ба ин муносибат ҳамаи шумо – вакилони муҳтарамро табрик мегӯям.
Соли ҷорӣ мардуми шарафманди Тоҷикистон 30-юмин солгарди қабули нахустин Конститутсияи давлати соҳибистиқлоли худро бо ифтихору шукргузорӣ аз соҳибватаниву соҳибдавлатӣ таҷлил намуданд....>>>

RODMARDONI VATAN

© 2021 Сомонаи расмии Гвардияи миллии Ҷумҳурии Тоҷикистон.