ВАРЗИШ - ОМИЛИ МУТТАҲИДӢ ВА РАФОҚАТУ ҲАМБАСТАГӢ

Аз санаи 12-уми марти соли равон мусобиқаҳои ҳарбӣ-варзишӣ миёни хизматчиёни ҳарбии Гвардияи миллӣ бахшида ба сазовор таҷлил намудани Наврӯзи байналмилалӣ оғоз гардид. Кушодашавии мусобиқаҳои ҳарбӣ-варзишӣ дар майдони баргузории чорабиниҳои тантанавии гвардия яъне қисми ҳарбии 051055 бо иштироки ҳайати роҳбарикунандаи Гвардияи миллӣ, роҳбарияти Кумитаи иҷроияи ҳизби халкқии демократии Тоҷикистон дар ноҳияи Синои шаҳри Душанбе ва варзишгарони ҷузъу томҳо сурат гирифт.
Дар оғози чорабинӣ полковники гвардия Собириён Муҳаммаднаим, муовини Фармондеҳи Гвардияи миллӣ оид ба корҳои сиёсӣ-тарбиявӣ ба сухан баромада ба ҳамаи варзишгарон ҷиҳати фаъолона иштирок намудан дар мусобиқаҳо ва ба ин васила саҳм гузоштан дар яке аз анъанаҳои неки Наврӯзӣ комёбиҳои варзиширо таманно намуд. Қайд гардид, ки варзиш-омили муттуҳидӣ ва василаи муҳими рафоқату ҳамбастагӣ мебошад. Агар дар мусобиқаҳои варзишӣ рақибон муқобили ҳамдигар истодагарӣ кунандҳам, вале мақсади асосӣ рафоқату дустӣ ва баланд бардоштани маҳорату малакаи варзишӣ дониста мешавад. Ҳамчунин дар кушодашаии мусобиқаҳои ҳарбӣ-варзишӣ раиси Кумитаи иҷроияи ҳизби халкқии демократии Тоҷикистон дар ноҳияи Синои шаҳри Душанбе Ҳабибзода Зоир низ ҳайати шахсии иштирокдоронро ба омадани ҷашни Наврӯзи байналмилалӣ ва дар сатҳи баланд гузаронидани мусобиқаҳо табрик намуд.
Қобили зикр аст, ки Кумитаи иҷроияи ҳизби халкқии демократии Тоҷикистон дар ноҳияи Синои шаҳри Душанбе дар ҳамкори бо Раёсати тайёрии ҷангии фармондеҳӣ дар баргузории чорабиниҳои варзишии хизматчиёни ҳарбии Гвардияи миллӣ саҳми арзанда мегузорад.
Мусобиқаҳои варзишӣ аз намуди волейбол, футбол, шоҳмот, такя бо дастон, турниккшиву дастхобонӣ, гулӯлабардорӣ, ба қисмҳо ҷудо ва ҷамъ намудани силоҳ ва тирпаронии электронӣ баргузор гардида, то санаи 16-уми март идома меёбанд. Ҷамъбасти мусобиқаҳо ва ғолибон дар рӯзи баргузории Наврӯзи байналмилалӣ муайян карда мешавад.
Ғолибони мусобиқаҳои варзиширо тӯҳфаҳои арзанда интизоранд.
Родмардон