Идомаи тантанаҳои ҷашни 30-солагии Гвардияи миллӣ

Имрӯз дар идомаи фазои идона ва тантанаҳои ҷашнӣ дар майдони сафороии қисми ҳарбии 051055 ҳайати шахсии Гвардияи миллӣ саф оростанд. Фармондеҳи Гвардияи миллии Ҷумҳурии Тоҷикистон генерал-полковники гвардия Ҷамолзода Бобоҷон иштирокчиёни Паради ҳарбиро бори дигар ба ҷашнҳои бузурги миллӣ табрик намуда, барои иштироки фаъолона дар Паради ҳарбӣ «раҳматнома» эълон намуданд. Қобили зикр аст, ки ба муносибати ҷашни 34 - умин солгарди Истиқлоли давлатӣ ва 30-солагии Гвардияи миллии Ҷумҳурии Тоҷикистон як гурӯҳ хизматчиёни ҳарбӣ барои хизмати шоиста, нишондодҳои намоён дар тайёрии ҷангӣ ва саҳми арзанда дар фаъолияти ҳамарӯзаи хизмати ҳарбӣ аз номи Президенти Ҷумҳурии Тоҷикистон ва Ҳукумати Ҷумҳурии Тоҷикистон бо мукофотҳои давлатӣ қадрдонӣ гардида, ба гурӯҳи дигар рутбаи навбатии ҳарбӣ-полковники гвардия дода шуд.
Ҳамчунин, афсарону прапоршикон, сержантон ва сарбозони гвардия бо медалҳои ҷашнӣ, ифтихорнома ва мактубҳои миннатдорӣ аз номи фармондеҳи Гвардияи миллии Ҷумҳурии Тоҷикистон сарфароз гардонида шуданд.
Бояд қайд намоем, ки дар пайравӣ ба сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон хизмати софдилонаву содиқона ба Ватан ва халқи бузурги тоҷик ҳамеша аз ҷониби роҳбарияти Гвардияи миллӣ дастгирӣ ва қадрдонӣ карда мешавад.

Родмардон