Ҳуҷҷате бо муҳри хос

Ба озмуни «Мавқеи қонун дар ҳаёти инсон», ки ба муносибати «Соли маърифати ҳуқуқӣ» ва ҷашни 30-солагии Конститутсияи Ҷумҳурии Тоҷикистон ташкил карда шудааст.

Ҳуҷҷате бо муҳри хос

Чист қонун? Ҳуҷҷатест дорои назм,
Чун муҳаррик буду бошад баҳри азм.
Шаҳр месозад зи деҳи хурдакак,
Мешукуфонад Душанбеву Саразм.

Чист қонун? Ҳуҷҷатест бо муҳри хос,
Чун амал созӣ ба он ёби сипос.
Гар шикасти қоматаш, хам мешавад,
Ҳам зи таъқибаш намеёбӣ халос.

Чист қонун? Урфу оину русум,
Дар Душанбе ё ки Кобул ё ки Рум.
Ҳар куҷо қоидаҳо дорад, ки он
Мекунад об санги хоророву мум.

Чист қонун? Шакли расмии амал,
Баҳри ҳалли мушкили байналмилал.
Қонуне, ки он бувад саршори нур,
Мераҳонад одамиро аз аҷал.

Чист қонун? Ҳуҷҷатест, ки ходим аст,
Дар ҳама давру замонҳо лозим аст.
Рўи қоғаз дар назар ҳеҷ аст, ҳеҷ,
Рўи кор ояд, ба инсон ҳоким аст.

подполковники гвардия Фурқат Ҳамрозода,
муовини командири қисми ҳарбии 051057
оид ба корҳои сиёсӣ-тарбиявӣ