ҲАМОИШИ САРБОЗОНУ АФСАРОН ТАҲТИ УНВОНИ
"30 СОЛИ ШАРАФ ВА САДОҚАТ" БАХШИДА БА 30 - СОЛАГИИ ГВАРДИЯИ МИЛЛӢ

Дар доираи Нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Гвардияи миллии Ҷумҳурии Тоҷикистон бахшида ба 30-юмин солгарди таъсисёбии Гвардияи миллӣ ҳамоиши сарбозону афсарон таҳти унвони “30 соли шараф ва садоқат” доир гардид, ки дар он сарбозону афсарон иштирок намуданд.
Дар чорабинии мазкур муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон - Чоршанбезода Сураҷ Сайнак, муовини аввали Фармондеҳи Гвардияи миллӣ, сардори Сарситод генерал-майори гвардия Азаматзода Баҳриддин, муовини Фармондеҳи Гвардияи миллии Ҷумҳурии Тоҷикистон оид ба корҳои сиёсӣ-тарбиявӣ полковники гвардия Собириён Муҳаммаднаим иштирок ва суханронӣ намуданд.
Дар баргузории чорабинии мазкур намоиши яроқу аслиа, мусобиқаҳои гуногуни варзишӣ, намоишҳои таъиноти махсус ва гузашти низомӣ ташкил ва баргузор карда шуд.
Гвардияи миллӣ соли 1995 бо дастгирии Асосгузори сулҳу ваҳдати миллӣ - Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон таъсис ёфта, он айём давраи бисёр ҳассосу тақдирсоз ва оғози соҳибистиқлолӣ таъсис ёфт. Ҳамон айёме, ки Тоҷикистон ба мисли ҷавони навқадам ба роҳи давлатдории худ қадам гузошта буд, гвардиячиён бо ҷоннисорӣ ва садоқат дар сафи пеш қарор гирифта, таърихи навини давлатдории миллиро аз хатари парокандагӣ ҳифз намуданд.
Дар давоми 30 - соли сипаригардида, Гвардияи миллии Ҷумҳурии Тоҷикистон ба як ниҳоди пуриқтидор ва боэътимоди давлатӣ табдил ёфт, ки имрӯз вазифаи муқаддаси ҳимояи сохти Конститутсионӣ, амнияти давлат ва ҷомеаро ҳимоя менамояд.
Дар фарҷом як қатор сарбозону афсарон бо сипоснома ва туҳфаҳои хотиравии Кумитаи кор бо ҷавонон ва варзиш қадрдонӣ гардиданд.