Фармондеҳи Гвардияи миллии Ҷумҳурии Тоҷикистон бо директори Хадамоти Федералии қӯшунҳои Гвардияи миллии Федератсияи Русия мулоқот намуд

9 октябр вохӯрии фармондеҳи Гвардияи миллии Ҷумҳурии Тоҷикистон Бобоҷон Ҷамолзода бо директори Хадамоти Федералии қӯшунҳои Гвардияи миллии Федератсияи Русия (Росгвардия) Виктор Золотов доир гардид.
Барои истиқболи директори Хадамоти Федералии қӯшунҳои Гвардияи миллии Федератсияи Русия дар майдони сафороии пойгоҳи низомӣ баталёни қаровули фахрии Гвардияи миллӣ саф ороста шуд. Баъд аз истиқболи гарму самимӣ тибқи анъанаи низомиён ва арзи эҳтиром афсарону сарбозони баталёни қаровули фахрӣ аз назди минбари ифтихорӣ, ки ҳайати фармондеҳии сохторҳои бонуфузи Ҷумҳурии Тоҷикистон ва Федератсияи Русия қарор доштанд, гузашти низомӣ анҷом доданд.
Зимни вохӯрӣ фармондеҳи Гвардияи миллии Ҷумҳурии Тоҷикистон Бобоҷон Ҷамолзода иброз намуд, ки «боиси хурсандист, ки ҳамкории мутақобили судманди сохторҳои низомии Федератсияи Русия ва Ҷумҳурии Тоҷикистон дар самти таҳкими амнияти ду давлати дӯст ва мубориза бо зуҳуроти номатлуби замони муосир боз ҳам тақвият ёфта, дар ин замина натиҷаҳои назаррас ба даст хоҳад омад».

Родмардон