ДАР ПАЙРАВӢ АЗ ПЕШВОИ МИЛЛАТ

Тибқи дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамасола дар арафаи рӯзҳои ид ва ҷашнвораҳо аз ҷониби Гвардияи миллӣ ба ятимону бепарасторон, маъюбону ниёзмандон кумакҳои моддӣ ва тӯҳфаҳо расонида мешавад.
Дар баробари дигар рӯзҳои ид дар арафаи Соли нави мелодӣ аз ҷониби Гвардияи миллӣ ба таълимгирандагони мактаб - интернати таълимоташ махсуси шаҳри Ҳисор ва оилаҳои бесаробонмондаи хизматчиёни ҳарбии Гвардияи миллӣ амвои озуқа, аз қабили биринҷ, орди навъи якум, равғани растанӣ, шакар ва тӯҳфаҳои солинавӣ ҷудо карда шуд. Маводи хӯрокаро афсарони раёсат оид ба корҳои сиёсӣ-тарбиявии фармондеҳӣ то ба ҳар як нафар бурда расониданд.
Ҳамзамон, бо мақсади баланд бардоштани рӯҳияи таълимгирандагони мактаб - интернати таълимоташ махсуси шаҳри Ҳисор, ки аксарияти онҳо маъюбон ва ятимону бепарасторон мебошанд, аз ҷониби ҳунармандони Оркестри ҳарбии Гвардияи миллӣ дар толори ҳамин мактаб – интернат барномаи консертӣ ташкилу баргузор карда шуд.
Хурсандии таълимгирандагони мактаб - интернат ҳадду канор надошт ва ҳар кадоме аз онҳо зимни супоридани тӯҳфаҳои солинавӣ изҳори миннатдорӣ намуданд. Дар баробари ин, роҳбарияти мактаб – интернати мазкур низ аз роҳбарияти Гвардияи миллии Ҷумҳурии Тоҷикистон барои ғамхорӣ ва кумаку дастгириҳои пайваста, хусусан ташкили чорабинии фарҳангӣ барои кӯдакон изҳори сипосу миннатдорӣ намуданд.

полковники гвардия Ф. Музаффариён,
сардори шуъбаи тайёрии тарбияи ватандӯстии
Раёсат оид ба корҳои сиёсӣ-тарбиявӣ