Тоҷикӣ   |   Русский    |   English      

    БА ПРЕЗИДЕНТ, БА ВАТАН СОДИҚОНА ХИЗМАТ МЕКУНЕМ! БАРОИ ҲИФЗИ ВАТАН, ТАҲКИМИ ИСТИҚЛОЛИЯТ ВА АМНИЯТИ МИЛЛӢ ТАЙЁРЕМ!

Ба Президент, ба Ватан содиқона хизмат мекунем!

Имрӯз хизматчиёни ҳарбии Гвардияи миллии Ҷумҳурии Тоҷикистон ду ҷашни бузурги миллӣ - 31 солагии Истиқлоли давлатӣ ва 27- солагии фаъолияти Гвардияи миллии Ҷумҳурии Тоҷикистонро бо рӯҳияи баланди ватандӯстӣ ва ифтихор аз Тоҷикистони соҳибистиқлол бо тантана таҷлил намуданд, ки дар он намояндагони Ҳукумати Ҷумҳурии Тоҷикистон, собиқадорони гвардия ва ҳайати шахсии Гвардияи миллӣ иштирок намуданд.430 Дар аввал Котиби Шӯрои амнияти Ҷумҳурии Тоҷикистон Насрулло Маҳмудзода Паёми табрикии Асосгузори сулҳу ваҳдати миллӣ-Пешвои миллат, Сарфармондеҳи Олии Қувваҳои Мусаллаҳи Ҷумҳурии Тоҷикистонро ба ҳайати шахсии Гвардияи миллӣ расонда, онҳоро ба ҷашни Истиқлоли давлатӣ ва Рӯзи таъсисёбии Гвардияи миллии Ҷумҳурии Тоҷикистон табрику муборакбод гуфт. Аз роҳи пуршарафи ҷангӣ ва саҳми арзандаи афсарону аскарони Гвардияи миллӣ дар солҳои аввали Истиқлоли давлатӣ, барқарор намудани сулҳу ваҳдати миллӣ, ҷасорату мардонагии онҳо дар мубориза бар зидди гурӯҳҳои террористӣ ёдовар шуданд. Ҳамчунин, таъкид карда шуд, ки Гвардияи миллӣ ниҳоди махсуси низомӣ аст, ки вазифаҳои муҳими давлатиро ба зимма дорад. Иҷрои ин вазифаҳо пеш аз ҳама садоқат ва муҳаббат ба ин сарзамину муқаддасоти онро тақозо менамояд. Дар идома аз паёми табрикии Пешвои миллат таъкид гардид, ки афсарону аскарони Гвардияи миллӣ бояд бо интизоми қатъӣ, маҳорати баланди касбӣ, малакаву дониши мукаммал, шуҷоату далерӣ, ҳушёриву зиракӣ ва садоқату ҷасорат намунаи ибрат бошанд. Илова намуданд, ки ҳар як командир вазифадор аст, ки дар замири аскарон ватандӯстиву ватанпарвариро тарбия намояд ва онҳоро маҳорату малакаи ҷангӣ омӯзонад.
430 Сипас, Фармондеҳи Гвардияи миллии Ҷумҳурии Тоҷикистон генерал-лейтенанти гвардия Бобоҷон Ҷамолзода аз кӯмаку дастгириҳои Ҳукумат ва Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон изҳори минатдорӣ карда, аз дастовардҳои Гвардияи миллӣ дар тӯли 27- соли фаъолият ва вазифаҳои ояндаи ҳайати шахсӣ ёдовар шуданд. Дар идомаи чорабинии тантанавӣ як гурӯҳ хизматчиёни ҳарбии Гвардияи миллӣ барои хизмати шоиста ва нишондодҳои баланд дар тайёрии ҷангӣ аз номи Президенти Ҷумҳурии Тоҷикистон бо мукофотҳои давлатӣ ва рутбаҳои навбатии ҳарбӣ сарфароз гардонида шуданд. Инчунин, гурӯҳи дигар аз номи Фармондеҳи Гвардияи миллии Ҷумҳурии Тоҷикистон бо медалҳои ҷашнӣ, Ифтихорнома, рутбаҳои навбатии ҳарбӣ, мактуби миннатдорӣ ба волидон ва тӯҳфаҳои хотиравӣ сарфароз гардиданд. Ҳамчунин, ғолибони озмуну мусобиқаҳои фарҳангиву варзишӣ, ки ба ифтихори ҷашни Истиқлолият ва Рӯзи таъсисёбии гвардия гузаронида шуда буд, бо ҷоми Фармондеҳ ва дигар тӯҳфаҳои хотиравӣ қадрдонӣ гардид.
430 Дар қисмати дуюми ҷамъомади тантанавӣ Баталёни қаровули фахрии Гвардияи миллӣ маҳорати ҳарбии хешро бо ҳаракатҳои махсуси низомӣ, яъне платс-консерт бо силоҳ намоиш доданд.

430 Дар идомаи чорабинӣ ҳайати шахсии ҷузъу томҳои алоҳида муҳорибаҳои танбатанро бо диловарӣ, чусту чолокӣ пешниҳоди ҳозирин намуданд. Қобилияту омодагии худро дар иҷрои вазифаҳои ҷангӣ намоиш дода, садоқату самимияти худро ба Ватан, ба Президент ва халқи бузурги тоҷик баён намуданд.
430 Ҷамъомади тантанавӣ ба ифтихори ҷашни Истиқлоли давлатӣ ва Рӯзи таъсисёбии Гвардияи миллӣ таҳти оҳангҳои мутантани Оркестри ҳарбии Гвардияи миллии Ҷумҳурии Тоҷикистон бо гузашти низомии ҳайати шахсии Баталёни Қаравули Фахрии Гвардияи миллӣ, афсарони дастгоҳи марказӣ, ҷузъу томҳои таъиноти махсус, хизматчиёни ҳарбӣ - занону бонувони Гвардияи миллӣ ва дигар ҷузъу томҳои зудамали гвардия ҷамъбаст гардид.
430



Шуъбаи иттилоот ва робита бо ҷомеаи ГМҶТ


 Payom

Муҳтарам аъзои Маҷлиси миллӣ ва вакилони Маҷлиси намояндагон!
Ҳамватанони азиз!
Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.
Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.
Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд...>>>

RODMARDON

© 2021 Сомонаи расмии Гвардияи миллии Ҷумҳурии Тоҷикистон.